Web edukia bistaratu
Web edukia bistaratu

 

EMAKUMEEN JABEKUNTZAREN ETA PARTAIDETZAREN SUSTAPENA

Emakumeen Jabekuntzarako Eskola

Zer da?

Jabekuntza Eskolak udaletako berdintasun arloetan antolatutako proiektuak dira eta beraien HELBURUA emakumeen parte-hartze soziala eta politikoa sustatzea da, ahalduntze prozesuen bidez. Eta zer da ahalduntzea? Bada, emakumeon izaeraren autokontzientzia hartzea, autoestimua lantzea, gure gaitasun propioak ezagutzea eta emakumeon dagokigun espazioa berreskuratzea.

Honetaz gain, Jabekuntza Eskola harremanetarako eta esperientziarako espazioa da. Andoaingo emakumeen arteko sareak sortu nahi ditugu, elkar ezagutu, lagundu, topatu eta disfrutatzeko. Etorri Jabekuntza Eskolara!

Zer egiten dugu?

Urtero, Udaberrian eta Udazkenean, ikastaro berrietarako matrikulazioa zabaltzen dugu.

Horretaz gain, hitzaldiak eta tailerrak antolatzen ditugu urte osoan zehar.

Ikastaroak DOAKOAK dira

Horrela eskatzen bada, doako haurtzaindegi zerbitzua jarriko da ikastaroaren iraupena bitarte

Jabekuntza Eskola 2019 Udazkena

Jatorri Anitzetako Emakumeen Elkargune Multikulturala

 

Zer da?

Jatorri anitzetako emakume etorkinentzako espazioa. Elkargunerako lekua izan nahi du, beste herrialde batzuetatik etorritako emakumeek beraien bizi esperientziak elkartrukatu eta beharrak identifikatzeko. Horretaz gain, Andoainen harreman sarea sortu eta indartzeko tresna ere izango da.

 

Zer egiten dugu?

Astero biltzen gara eta migrazioaren bizipena partekatzen dugu espazioa librea eta malgu batean. Berdintasuna eta kultura-aniztasuna landuta, helburua da osasun fisikoa, emozionala eta gure herriarekiko errotzea hobetzea, isolamendutik irtetea, euskal gizartea ezagutzea eta gure jatorrizko herrialdea ezagutaraztea hainbat jardueren bidez.

Hizkuntza: Gaztelania

Saioak: Astean behin (eguna eta ordua parte hartzaileek zehaztuko dituzte)

Lekua: Urigain eraikina

Dinamizatzailea: Sorburu

 

Izena emateko:

943300830 luz. 397

berdintasuna@andoain.eus

 

Andoaingo Emakumeekin Solaskidetzarako gunea

 

Zer da?

Andoaingo Udaleko Berdintasun Sailak emakume eta gizonen berdintasunaren eremuan herritarrentzat ez ezik, herritarrekin batera jardun nahi du. Horretarako berdintasun kontseilu bat tresna aproposa izan daitekeela pentsatuta, kontseiluaren ezaugarri nagusiak eragileekin eta herritarrekin lantzeko partaidetza-prozesu bat garatu nahi du.

 

Zer egiten dugu?

Horretarako, 2019an honi begirako urratsak hasi da ematen eta lehenengo batzarrak antolatu izan dira.

 

Informazio gehiagorako sakatu hemen