Zer da?
Nerabe eta gazteei zuzendutako ekipamendua zerbitzua da, bere baitan espazio desberdinak jasotzen dituena. Gazte Lokala, Pio Baroja 1, behea kalean kokaturik dago Anbrosia Olabide Gizarte Zerbitzueta Egoitzan hain zuzen ere.
Gazte Lokalean egun, zerbitzu gisa, Gaztelekua dago, nerabeei zuzendutako aisialdirako erreferentziazko espazioa. Horretaz gain, ekipamenduak ere beste aukerak ematen ditu: Ongi etorri gazte! egitasmoaren kokaleku, aurkezpenak eta sari banaketak, aniztasun funtzionaleko nerabe eta gazteei zuzendutako espazioa…
GAZTELEKUA
12-17 urte bitarteko nerabe bazara, bakarrik edo kuadrillan egoteko leku bila bazabiltza, jende berria ezagutzeko aukera, edo eta era askotako planak eta ekintza desberdinak sortzeko aukerak nahiko bazenitu, hemen izango duzu leku aproposa.
- Asteazkenetik igandera: 17:00 – 20:30
Hauek dira zerbitzua osatzen duten elementuak:
- Gaztelekua, nerabeak egoteko toki bat eta erreferentzia gune nagusia.
- Jarduerak eta ekintzak, ekipamenduan nahiz beste espazioetan.
- Harreman eragingarri baterako hezitzailez osatutako profesional talde bat.
