Andoaingo
Udala

 

 

PLAX! Sexu eta bikote aholkularitza

 

Gizon eta emakumeek, bakarka edo konpainian, sexu eta bikote zailtasunak izaten dituzte bizitzako garai desberdinetan.

Horiei irtenbideak emateko, jakin-minari erantzuteko eta genero estereotipoetan oinarritutako harreman sexualak gainditzeko, Andoaingo Udalak eskura jarri du aholkularitza gune profesionala, konfidentziala eta doakoa, osasun zentroen zerbitzu osagarri gisa.

Eska ezazu hitzordua!

Tel: 688 89 79 20

ANDOAIN Tratu Onen Erotismoarekin!

• Kontaktu intimorako modu berriak ezagutu. Errutinatik atera.
• Zeure gorputza ezagutu. Orgasmoak sentitzen ikasi.
• Jeloskortasunak sortutako gatazka egoerei aurre egin.
• Aldizkako eta zehaztu gabeko bikote harremanak kudeatu.
• Menopausiak sortutako aldaketa eta gogo berriei erantzuna eman.
• Zure klitoria zein beste batena gidatzeko baimena atera.
• Seme-alaben jaiotzaren ostean, esperientzia erotikoak indarberritu.
• Isurketa egoeretan kontrol gehiago lortu. Erekzio gaitasuna suspertu.
• Bikote eztabaidak gutxitu. Zauriak sendatu. Eta banaketa prozesuetan bidelaguntza jaso.
• Sarketa ezberdinetan plazera sentitzera iritsi.
• Lagundutako ugalketa egoeran oreka erotikoa aurkitu.
• Armairutik ateratzeko edota askatzeko laguntza lortu.
• Erakargarritasuna handitu eta bikote harreman bat hasteko gai izan.
• Gaixotasun larri batekin edo ondoren erotismoa berreskuratu.
• Seme-alaben sexu-hezkuntzarako irizpideak jaso.
• Sentitutako sexua koherentziaz bizitzeko aliantzak eta baliabideak lortu.
• Erotika eta harremanak on-line: txikienetatik helduenetara, kezkak argitu eta aukerak sortu.