Andoaingo
Udala

ZER DA?

Lagunduta izateko espazioa da, norbait gaizki tratatzen ari zaizula sentitzen duzunean,

zure bikote-harremanetan, familia-harremanetan, lan-harremanetan edo beste batzuetan

ondoeza sentitzen duzunean, baina ez dakizunean zer gertatzen ari den edo edo nola erantzun.

Taupada zerbitzuan, profesionalek  lagunduko dizute zer behar duzun ikusten eta bidean urratsak ematen hobeto sentitzeko

Taupadak laguntza emango die emakumeen hurbileko pertsonei ere:

familiari, lagunei, eta ondoez hori ikusten duten baina nola jokatu ez

dakiten eta frustrazioa sentitzen duten beste pertsona batzuei,

emakumeek ez baitituzte ematen lagundu diezaieketela uste duten urratsak.

ZER ESKAINTZEN DU?

• Emakumeei banaka zein taldeka laguntzea.
• Emakumeen senideei, lagunei edo hurbileko pertsonei banaka zein taldeka laguntzea.
• Emakumeentzako ikastaroak eta tailerrak.
• Hitzaldiak herritar guztientzat edo eskatzen duten taldeentzat.
• Erakunde publiko eta pribatuetako profesionalei aholkularitza ematea, jarduteko moduari buruzko zalantzak edo zailtasunak dauden egoeretan.
• Kasuak baloratzea, zein baliabide diren egokienak jakiteko.
• Erakunde horietatik eratorritako pertsonentzako arreta, zerbitzurik egokiena dela uste denean.

NOLA JARRI HARREMANETAN

Idatzi edo deitu hitzordu bat adostu ahal izateko, eta arreta-ordutegia ondo ez badator, utzi mezu bat, noiz datorkizun ondo esanez eta deituko dizugu. Hitzordua eskatzeko ordutegia astelehenetik ostiralera 9:00etatik 14: 30era izango da eta zerbitzua erabiltzaileen ordutegietara egokituko da.

Harremanetan jartzera animatzen zaituztegu, era guztietako zalantzak argitzeko. Askotan, egoera zailak bakardadean bizitzeak oso zaila eta gogorra egiten du. Profesionalekin giro hurbilean, seguruan eta konfiantzazkoan partekatzea lehen urratsa da arazoak konpontzeko.

 taupada@sormena.biz  

667608202